„Лекари без граници“ истоварија 367 мигранти на брегот на Сицилија
По неколкудневно чекање, меѓународната хуманитарна организација „Лекари без граници“ (МСФ) истовари 367 мигранти на брегот на Сицилија.
Бродот за спасување на море „Гео Баренц“ се закотви во пристаништето во Палермо доцна во средата.
Мигрантите на бродот, меѓу кои, според хуманитарците, има 172 деца, биле тестирани за коронавирус, а потоа биле распоредени во кампови и во карантин.
Градоначалникот на Палермо, Леолука Орландо го пречека бродот во пристаништето, објави новинската агенција АНСА.
Бродот чекаше одобрение за да тргне кон пристаништето од минатиот викенд.
– Нема зборови за да се изрази радоста и олеснувањето на бродот, напишаа „Лекари без граници“ на Твитер.
#GeoBarents has a port for disembarkation. There are no words to express the joy and relief on board. We’re heading to Palermo (Italy) now to bring the 367 survivors to safety ashore. pic.twitter.com/58GF80Y85o
— MSF Sea (@MSF_Sea) October 27, 2021
Многу мигранти се упатуваат кон северниот брег на Африка и се качуваат на бродови за да стигнат до Европската унија.
Извор: МИА