ЛА Лејкерс откако не успеа да го намами Каваи Ленард да потпише за „езерцата“ и да формура супер трио со Леброн Џејмс и Ентони Дејвис, почна со ангажирање на засилувања со кои ќе ја нападне шампионската титула.

Free agent guard Danny Green will sign a two-year, $30M deal with the Los Angeles Lakers, league source tells ESPN.

— Adrian Wojnarowski (@wojespn) July 6, 2019

Дени Грин кој стана слободен играч на крајот од сезоната во која со Торонто репторс ја освои шампионската титула, е првото засилување по неуспехот со Ленард. Иако се шпекулираше дека ќе му се придружи на Ленард во ЛА клиперс, Дени Грин ја прифати понудата на Лејкерс од 30 милиони долари за две сезони и ќе му биде од голема помош на тимот во шутот за три поени.

Искусниот бек минатата сезона просечно постигнуваше по 10.3 поени и 4 скокови по натпревар во дресот на Торонто.