Лејкерси на само една победа од шампионската титула (ВИДЕО)
ЛА Лејкерс славеа во четвртиот натпревар од големото финале во НБА лигата против Мајами со 102:96 и поведоа со 3:1 во победи.
Лејкерси со победата се наоѓаат на само една победа од 17. шампионска титула со што би се израмниле со Бостон селтикс како најтрофејни екипи во историјата на НБА лигата.
Овој натпревар беше најнеизвесниот во финалната серија и дури во финишот една од екипите успеа да направи предност поголема од пет поени.
Одлучувачки момент за победникот беше третата четвртина кога двете ѕвезди на ЛА Лејкерс, Леброн Џејмс и Ентони Дејвид почнаа да доминираат на теренот, екипата далеку полесно постигнуваше поени додека во одбраната му ја отежнаа работата на Мајами.
Во последната четвртина, одговорноста ја презеде Џејмс и го однесе својот тим на чекор до шамионската титула.
Џејмс натпреварот го заврши со 28 поени, 12 скокови и осум асистенции, Ентони Дејвис имаше скор од 22 поени и девет скокови, а Кендејвиус Коулдвел-Поуп средбата ја заврши со 15 поени. Во редовите на Мајами најзабележителен беше Џими Батлер со 22 поени, 10 скокови и девет асистенции.
Наредниот петти натпревар ќе се одигра во ноќта помеѓу петок и сабота.