Лејкерси го враќаат „Супермен“ како замена за малерозниот Казнс
Демаркус Казнс ја заврши сезоната иако таа уште не е започната поради повредата на вкрстените лигаменти на коленото, па управата на ЛА Лејкерс работи на ангажирање негова замена.
На мета на „езерцата“ се наоѓа искусниот Двајт Хауард кој моментно е кошаркар на Мемфис гризлис но наскоро се очекува неговиот договор ќе биде откупен и тој ќе биде слободен во потрагата по нов клуб.
Новинарот Шемс Чаранија пренесува дека Лејкерси не се брзаат со ангажирање на замена за Казнс и дека освен популарниот Супермен, на радарот се наоѓа уште еден ветеран, Јоаким Ноа.
The Lakers have been patient in approach since Cousins' injury, and another accomplished veteran center on the market is Joakim Noah. Howard is expected to be eventually released by Memphis. https://t.co/mvLx2jsS8Q
— Shams Charania (@ShamsCharania) August 18, 2019
Двајт Хауард осум пати настапуваше на ол стар натпреварите, а пет пати беше член на најдобрата петорка во НБА лигата и три пати беше биран за најдобар дефанзивец во лигата.
Тој веќе настапуваше за ЛА Лејкерс во сезоната 2012/13 но немаше забележителни резултати. Хауард потоа играше и за Хјустон, Атланта, Шарлот и Вашингтон, а пред еден месец беше разменет во Мемфис.