Лејкерс не запираат со победите, Голден Стејт реди порази (ВИДЕО)
Лос Анџелес Лејкерс дојде до 11. победа сезонава откако со 122:101 ја совлада Атланта хоукс и остана лидер на табелата во Западната конференција со 11 победи и само два порази.
Предводник на „езерцата“ беше на Леброн Џејмс со 33 поени и 12 асистенции, а неговата игра беше поздравена и од легендата на Лејкерс, Коби Брајант.
Голден Стејт вориорс продолжува да реди порази, веќе е во губитничка серија од седум натревари, а последн тим кој им го зема скалпот е Њу Орлеанс со 108:100.
Џеј Џеј Редик им уфрли на „воините“ шест тројки за вкупно 26 поени, додека кај поранешниот шампион во отсуство на повредените ѕвезди Стеф Кари, Клеј Томпсон и Деанџело Расел, најпрецизен беше Ерик Паскал со 30 постигнати поени.
Резултати:
Мемфис – Денвер 114:131
Орландо – Вашингтон 125:121
Њу Орлеанс – Голден стејт 108:100
Лос Анџелес лејкерс – Атланта 122:101.
