Лос Анџелес Лејкерс продолжува да ги тероризира екипите во НБА и против Атланта хоукс ја забележаа 24. победа сезонава, седма последователна. Очекувано главните заслуги за триумфот од 101:96 одат на сметка на двоецот Леброн Џејмс и Ентони Дејвис. Џејмс постигна 32 поени и 13 скока, додека Дејвис имаше учинок 27 поени и 13 скока.

Денвер го совлада Њујорк никс со 111:105 иако победата можеше да биде поубедлива бидејќи во втората четвртина имаше предност од 20 поени. Ова беше трета победа за Денвер по ред, а прво име во победата беше Никола Јокиќ 25 поени и 10 скока со што покажа зашто минатата сезона беше дел од првата петорка во НБА лигата.

Голден стејт вориорс во отсуство на поврените ѕвезди, Стеф Кари и Клеј Томпсон, продолжува со мизерните игри сезонава. „Воините“ загубија со 79:100 од Сакраменто кингс во чии редови блесаше Богдан Богдановиќ со 25 постигнати поени.

Резултати: Атланта – ЛА Лејкерс 96:101, Бруклин – Филаделфија 109:89, Денвер – Њујорк 111:105, Голден Стејт – Сакраменто 79:100.