Лејди Гага ќе ја пее химната на инаугурацијата на Џо Бајден
Американската пејачка Лејди Гага (34), ќе ја пее химната на инаугурацијата на Џо Бајден (78) на 20 јануари, потврдија за странските медиуми членовите на инаугуративниот одбор.
Таа ќе ја изведе „The Star Spangled Banner“ кога Бајден ќе даде заклетва. Исто така, ќе настапи и Џенифер Лопез (51).
Деталите за другите уметници кои би можеле да се појават на инаугурацијата сè уште не се јавно познати. Тие истакнаа дека положувањето на заклетвата, како и на другите делови од инаугурацијата, може да се следат во живо.
A message from me & my buddy Vice President @JoeBiden @ItsOnUs to stop sexual assault. Go to https://t.co/aMd5silSst #ItsOnUs to help. ?? pic.twitter.com/w5JGRCd2z8
— Lady Gaga (@ladygaga) October 25, 2017
Ова нема да биде прв пат Гага да ја изведе химната пред многубројната публика. Таа веќе го стори тоа во 2016 година на „Super Bowl“ и доби комплименти.
Пејачката со новоизбраниот претседател Бајден има и „историја“. Кога по изборите во САД кон крајот на 2020 година сфати дека ќе победи, на Твитер го објави следново:
– Џо Бајден, Камала Харис и сите американци, вие само што му го покажавте на светот најголемиот чин на љубезност и храброст, кој човештвото сè уште го нема доживеано. Ве сакам, напиша Гага.
Во 2017 година, Бајден и Гага исто така снимија видео со порака за борбата против сексуално насилство. Обраќањето пејачката го објави на својот профил на Твитер.