Лего под тужба заради „кожна“ јакна: Артист ја тужи играчката која е облечена како Антони Поровски од „Queer Eye“
Лего е тужен од уметник кој вели дека компанијата за играчки реплицирала кожна јакна што ја дизајнирал во нејзиниот сет „Queer Eye Fab 5 Loft“ без согласност.
Во тужбата која е поднесена во окружниот суд во Конектикат минатиот месец, Конканон вели дека Лего создал „безобразна копија“ на кожена јакна што специјално ја дизајнирал и ја подарил на ѕвездата на „Queer Eye“ Антони Поровски, која ја носеше на шоуто. Конканон вели дека Поровски е обожавател на неговата уметност и тие се поврзале на социјалните мрежи, а потоа и лично откако тој побарал да носи еден од дизајните на маиците на Конканон во првата сезона на рестартираното шоу.
Конканон, кој оттогаш дизајнираше голем број парчиња облека за Поровски, во тужбата вели дека Нетфликс вообичаено би побарал согласност да се појави облека во „Queer Eye“, меѓутоа, тој вели дека не добил формулар за ослободување во врска со кожената јакна и претпоставува дека тоа е „превид“.
View this post on Instagram
Уметникот вели дека контактирал со Лего откако видел дека комплетот „Lego Queer Eye Fab 5 Loft“ го копирал „уникатното поставување, координација и распоред на поединечните уметнички елементи“ на оригиналната јакна. Конканон рече дека компанијата преку својот маркетинг јасно ставил до знаење дека играчката јакна е заснована на вистинската дизајнирана од него.
View this post on Instagram
Конканон додаде дека кога првпат дошол до Лего му понудиле бесплатен сет „Fab 5 Loft“, кој се продава по цена од 99 долари, за неговиот 6-годишен син. Кога играчката никогаш не пристигнала, тој вели дека повторно контактирал со Лего и му било кажано дека претходниот оператор згрешил и дека Лего не ги дава своите комплети бесплатно.
View this post on Instagram
Откако побарал совет од адвокат, Конканон вели дека напишал писмо за прекин и откажување до Лего, надевајќи се дека компанијата ќе му исплати надомест или ќе му плати авторски права. Конканон вели дека користи пари од неговата уметност за да го издржува семејството и да управува со својот тип-1 дијабетес.
Во тужбата се наведува дека Лего го одбил писмото од Конканон, тврдејќи дека Конканон му дал на Нетфликс „имплицирана лиценца“ откако му ја подарил јакната на Поровски знаејќи дека ѕвездата од „Queer Eye“ ќе ја носи на шоуто, што значи дека Нетфликс може да дозволи Лего да го пресоздаде дизајнот.
View this post on Instagram
