Еден од најдобрите хрватски фудбалери на сите времиња, Звонимир Бобан би можел ова лето да се врати во Милан каде што остави длабока трага како играч, пренесуваат италијанските медиуми.

Бобан доби понуда да биде новиот спортски директор на „росонерите“ и тоа на повик на легендарниот Паоло Малдини, поранешен соиграч од Милан.

Milan, Zvonimir Boban in lizza per il ruolo di dt: torna in rossonero un'altra bandiera? https://t.co/7buoj2VGDI

— informazione sport (@infoitsport) June 5, 2019

Во наредните денови, пак, се очекува Малдини да ја преземе функцијата технички директор и крои тим за голема дела. Бобан и Малдини вкупно 10 години беа соиграчи во Милан, од 1991 до 2001 година, додека Хрватот во последните три години беше заменик генерален секретар на ФИФА.

Потсетување дека Џенаро Гатузо ја напушти тренерската клупа, си замина и директорот Леонардо, а на „Сан Сиро“ е потребен еден одличен преоден рок ако сакаат да се вратат на старите добри патеки.

Paolo Maldini Set to Takeover as New Technical Director at AC Milan – 90min https://t.co/9UkKTzKtFv pic.twitter.com/eggfbFt7Lv

— Milan Informer (@milaninformer) June 5, 2019

Минатата сезона ја завршија како петтопласирани во Серија А, а последните информации велат дека УЕФА ги суспендираше постапките против клубот во однос на Финансискиот фер плеј, додека не се реши минатогодишната жалба во ЦАС.

Тоа значи дека Милан нема да биде исклучен од Лига Европа, но тоа може да се промени во зависност од конечната пресуда по жалбата.