Легендарниот тренер Венгер со неговите идеи би можел да го „уништи“ фудбалот
Поранешниот менаџер на Арсенал, Арсен Венгер (71) oчигледно има една мисија, да го промени фудбалот каков што го знаеме.
Цел свет е против него затоа што дојде до идеја Светското првенство да се одржува на секои две години, а најверојатно нема да се откаже од намерата сè додека не види како фудбалерите се влечат по теренот.
Тоа не е сè, го разгледува прашањето околу офсајд, неговата автоматизација и промените во фудбалските правила. Тој воедно дојде до идеја судиите да одржуваат прес-конференции по секоја контроверзна одлука што ќе ја донесат!
– Тоа би било добар начин да се избегнат контроверзи и да се спречи приказната за нив пред да станат јавна дебата. За ова треба да добиеме поддршка од судиите, а не знам дали се подготвени да го кажат своето мислење по натпреварот – рече Венгер.
Овој негов став наиде на отпор од судиите што го слушаа, бидејќи не им беше јасно зошто треба да ги оправдаат одлуките што ги донесоа.