Легендарниот голман ќе биде нов спортски директор на Јунајтед
Манчестер јунајтед е многу близу до пронаоѓање на конечно решение за функцијата спортски директор. Моментно никој не ја извршува оваа функција, туку надлежностите ги има потпретседателот Ед Вудворт, но се чини дека го најдоа вистинскиот кандидат во Амстердам.
Имено, управата на Манчестер јунајтед е заинтересирана за извршниот директор на Ајакс, Едвин ван дер Сар.
Холанѓанецот шест години беше голман на Јунајтед и за тоа време освои четири титули во Премиер лигата и една во Лигата на шампионите.
Во Ајакс, Ван дер Сар пристигна во 2016 година и е еден од најзаслужните за создавањето на сегашниот тим на Ајакс, кој минатата сезона секунди го делеа од финале во ЛШ, додека во Холандија ја освои двојната круна.
Управата на Јунајтед планира во текот на месецов да започне преговори за да го натера да ја прифати понудата и да ја презеде функцијата во англискиот тим.