Легендарниот фустан на принцезата Дијана кој го одбележа нејзиниот развод од принцот Чарлс и ја занеме јавноста! (ФОТО)
Фустанот на принцезата Дијана од Мет галата во 1996 година привлече неверојатно внимание, а за истиот се зборува и ден денес.
Овогодинешното елитно случување Мет гала, нема да се одвива поради пандемијата од коронавирусот и е одложено на неопределено време.
Сепак, претходните години многу славни дами со своите креации оставија трага во модната историја, а една од нив е дефинитивно принцезата Дајана и нејзината тоалета од 1996 година.
Во прашање не беше обичен фустан – сензуалноста со која принцезата тогаш зрачеше беше вистинскиот чекор кон нејзиниот нов пат после разводот од принцот Чарлс.
Таа се појави во темносин, благо деколтиран фустан направен од креативниот директор на модната куќа Диор, Џон Галијани. Свилениот фустан украсен со чипка помалку асоцираше на ноќница, па нејзиниот моден избор беше навистина впечатлив. Таа година се славеше работата на Кристијан Диор, но освен фустанот таа одбра и чанта од Диор во темно-сина нијанса, а на нозете носеше црни салонки и накит со сафири.
На ова случување му претходеше јавното признание на Чарлс за врската со Камила Паркер Боулс, но и разводот од принцезата Дијана, така што овој фустан беше нешто потполно поинакво од нејзиниот вообичаен моден стил. Тогаш коментарите беа дека овој фустан е јасен знак за ослободувањето на Дијана од различните стеги, но и нејзина мала освета кон сопругот. Од Чарлс таа официјално се разведе во август 1996 година.