ЛЕГЕНДА: Продаден болидот со кој „царуваше“ Шумахер! (ФОТО+ВИДЕО)
Германецот неодамна влезе во легендите на овој спорт, а уште еден доказ за тоа доаѓа од Абу Даби.
Таму болидот на Ферари „Ф2002“, кој го возеше своевремено Германецот, беше продаден на аукција за неверојатна цена од околу шест милиони евра.
Болидот го дизајнираа Рој Бирн, Рос Брон и Паоло Мартинели, а Шуми во 2002. и 2003. година со него освојуваше титули, триумфирајќи на голем број Ф1 трки.
Да потсетиме, откако во 2013. година доживеа несреќа на Алпите, неговата здравствена состојба е во строга тајност што ја побара семејството.
Во јавноста се појавија некои информации кои само ги заинтригираа навивачите на легендарниот возач, освојувач на седум титули, најмногу досега во Формула 1, зад него на оваа вечна листа е Луис Хамилтон со шест.