Леброн: Не ме интересира одморот, работата сè уште не е завршена
Лос Анџелес Лејкерс дојде на само една победа од 17. шампионска титула откако во четвриот натпревар од големото НБА финале го совлада Мајами хит со 102:96.
Очекувано, најдобар на теренот беше Леброн Џејмс кој по натпреварот истакна дека иако неговиот тим има водство од 3:1 во победи, работата сè уште не е завршена и поради тоа, тој нема време за одмор.
– Сите сфаќаме колкав е влогот, работата не е завршена. Имаме можност да ги одмориме нашите тела, но умот мора да биде остар. Ќе размислувам како да одиграме наредниот натпревар, ќе продолжам да работам и нема да спијам се додека работата на биде завршена. Во овие моменти одморот не ме интересира. Ќе можам да одморам цел месец откако ќе ја завршиме работата, но дотогаш мојот фокус е само на теренот – изјави Џејмс.
Првата ѕевзда на Лејкерси истакна дека со нетрпение го очекува наредниот натпревар против Мајами.
– По третиот натпревар во кој победија, самодовербата на играчите на Мајами е на високо ниво, а таа самодоверба ја имаат и по поразот во четвртиот меч. Имаат одличен тренер, и доколку сакаме да станеме шампионји мора да го имаме истиот став како и досега – додаде Џејмс.