На 24 февруари во Лос Анџелес беше одржана комеморација во чест на Коби Брајант и неговата ќерка Џиана кои трагично загинаа во хеликоптерска несреќа минатиот месец.

Денот на комеморацијата беше намерно избран да биде на 24.2, во чест на броевите на Коби Брајант (24) и на Џиана (2). Голем број на сегашни и поранешни НБА ѕвезди присуствуваа на комеморацијата, а меѓи нив беше и Леброн Џејмс кој го немаше на фотографиите и на снимките, и тоа на негово барање.

– Коби ми е брат. Од моментот кога во средното училиште го гледав, па се додека не пристигнав во НБА лигата со 18 години и добро го запознав. Сите битки кои ги имавме за време на мојата кариера… Секогаш ја делевме одлучноста за победа – изјави Џејмс.