Најдобриот тим во Западната конференција во регуларниот дел од сезоната, ЛА Лејкерс брзо се созеде од стартниот пораз и израмни на 1:1 во победи против Хјустон рокетс.

Лејкерси беа многу подобри од првиот натпревар, го поправија шутот но и игратата во одбрана со што не дозволија 22. постиигнати тројки на играчите на Хјустон да донесат ново изненадување.

„Езерцата“ уште во првата четвртина направија двоцифрена предност (36:20) и истата предност успеаја да ја задржат до полувремето. Во третата четвртина „ракетите“ го подигнаа нивото на игра, почнаа да погодуваат и тројки и ја вратија неизвесноста во натпреварот бидејќи тој период од играта го добија со 41:23. Во последната четвртина Хјустон влезе со предност од 92:90 но во тој период од играта доминираше Леброн Џејмс и буквално сам ја донесе победата за Лејкерси.

Кај победничкиот тим најпрецизен беше Ентони Дејвис со 34 поени и 10 скокови додека Леброн Џејмс имаше учинок од 28 поени, 11 скокови и девет асистенции. На спротивната страна, Џејмс Харден со 27 поени беше најпрецизен, а разочара Расел Вестбрук кој постигна само 10 поени.
Наредниот трет натпревар од плеј-оф серијата ќе се игра за два дена.

Најдобриот тим на Истокот, Милвоки бакс се спаси од елиминација откако со 118:115 го совлада Мајами хит и намали на 1:3 во победи.
Мајами одлично го започна натпреварот и веќе имаше двоцифрена предност, но во втората четвртина се враќа неизвесноста иако во тие моменти го загубија својот најдобар играч, Јанис Адетокумпо, кој се повреди.

Резултатската неизвесност беше присустна до самиот крај на натпреварот, а Милвоки имаше шанса да дојде до победата и пред продолжението од пет минути, но Донте Дивиченцо реализира само едно слободно фрлање за 107:107 на 1.9 секунди до крајот.
Во дополнителните пет минути, играчите на Милвоки беа подобри во одлучувачките моменти, а посебно расположен бешпе Крис Мидлтон кој со двете слободни фрлања на 3.4 секунди до крајот ги реши дилемите околу победникот.

Мидлтон беше најпрецизен на натпреварот со 36 поени, додека Адетокумпо до повредата постигна 19 поени и 13 скокова. Кај Мајами, Бам Адебајо имаше учинок од 26 поени и 12 скокови. Наредниот петти натпревар од плеј-оф серијата се игра за два дена, на 9. септември.