Леброн Џејмс по само една година, ќе го напушти ЛА лејкерс, шпекулираат дел од познати спортски новинари во САД. ЛА лејкерс повторно имаа катастрофална сезона, седма година по ред не обезбедија пласман во плејфот, иако на почетокот од сезоната го ангажираа Леброн Џејмс.

Неуспехот го зголеми незадоволството помеѓу навивачите на „езерцата“ кои вчера протестираа пред „Стејплс центар“, барајќи од управата да го размени Џејмс.

Познатиот новинар Стивен А. Смит, пред ТВ екраните откри дека од сопственичката на ЛА лејкерс, Џени Бас е побарано да го размени Џејмс.

I'm told people in Hollywood have told Jeanie Buss to trade @KingJames! pic.twitter.com/PzaOvC3uF0

— Stephen A Smith (@stephenasmith) May 9, 2019

Друг новинар, Брендон Робинсон, пак откри дека неименуван генерален менаџер на една од 30 НБА екипи, Денвер нагетс е сериозно заинтересиран да учествува во преговорите за размена со која би го ангажирале Леброн Џејмс.

LeBron James to Denver Nuggets was a Lakers thought – https://t.co/5NfSK7viiM#LakeShow #MileHighBasketball pic.twitter.com/FE2bLvStDU

— ??Brandon ‘Scoop B’ Robinson (@ScoopB) May 10, 2019

Освен Денвер, според Робинсон, големи шанси за да го ангажира Џејмс има и Њујорк никс кој летово со сите сили ќе тргне по потписот со Кевин Дурант и конечно да ја нападне титулата во НБА лигата.
Засега нема никаква реакција од самиот кошаркар, кој во кариерата има освоено три шампионски титули.