Македонските репрезентативци Стефан Ристевски и Аријан Адеми ќе играат во осминафиналето во Лигата на Европа, откако нивниот тим Динамо Загреб и во реваншот од 1/16-финале славеше над рускиот Краснодар.
Динамо победи со минимални 1:0, а на првиот дуел во Русија славеше со 3:2.
И двајцата македонски репрезентативци беа едни од најдобрите играчи на натпреварот, а човек на одлука беше Оршиќ во 31. минута.

Црвена звезда е елиминирана во 1/16-финалето од Милан иако не загуби на двата натпревари. На првиот натпревар беше 2:2, додека на реваншот во Милано беше 1:1, но „росонерите“ поради повеќе голови на гости одат понатаму. Милан поведе со голот на Кеси во деветтата минута, но „црвено-белите“ израмнија преку Бен. Надежите за изненадување на Црвена звезда по исклучувањето на Марко Гобељиќ.

Вистинско изненадување приреди Славија Прага која славеше на гости кај Лестер со 0:2 и го елиниминира англискиот тим. Провод во 49. минута го најави изненадувањето, додека конечниот резултат го постави Сима во 79. минута.

Пласман во осминафиналето обезбедија и Рома која со 3:1 ја совлада Брага, како и Манчестер јунајтед кој ремизира играјќи без голови со Реал Сосиедад но залихата од првиот дуел (4:0) беше доволна за пласман во следната рунда.

Резултати:
Милан – Црвена звезда 1:1 (2:2 прв натпревар)
Рома – Брага 3:1 (2:0)
Баер Леверкузен – Јанг Бојс 0:2 (3:4)
Бриж – Динамо Киев 0:1 (1:1)
Динамо Загреб  – Kраснодар 1:0 (3:2)
Лестер – Славија Прага 0:2 (0:0)
Манчестер јунајтед – Реал Сосиедад 0:0 (4:0)
ПСВ – Олимпијакос 2:1 (2:4)