Ле Мер: Економијата во франција со раст на БДП од 8 отсто во 2021.
Проценките се дека за две години Франција би можела да се опорави економски на ниво од пред почетокот на кризата.
Францускиот министер за финансии Бруно Ле Мер најавува опоравување на економијата во Франција во 2021 година.
Неговите очекувања се дека значителен пораст на францускиот БДП ќе има идната година и според неговите проценки тој би достигнал 8 отсто.
Во обраќање во националниот парламент, Ле Мер рече дека владата сака до 2022 година економијата да ја застане на нозе.
Проценките се дека токму за две години Франција би можела да се опорави економски на ниво од пред почетокот на кризата предизвикана од пандемијата од корона вирусот, односно економските активности да продолжат онаму каде што застанаа поради мерките преземени поради спречување на ширењето на Ковид – 19 кои ги парализираа економиите од цел свет.