Лажна тревога: ФБИ не пронајде доверливи документи во викендичката на Бајден
Во викендичката на американскиот претседател Џо Бајден во Рехобот Бич, во сојузната држава Делавер не се пронајдени доверливи документи, изјави личниот адвокат на Бајден, Боб Бауер.
Претходно, адвокатот Бауер изјави дека припадници на американското Федерално истражно биро (ФБИ) денеска вршат претрес во викендичката на Бајден.
Претресот, како и најмалку двата други спроведени на локации поврзани со Бајден, беше преземен во соработка на претседателот и неговиот правен тим.
Адвокатите на американскиот претседател Џо Бајден пред три недели пронајдоа доверливи документи, откако претходно признаа дека минатата есен во неговата приватна канцеларија биле откриени десетина доверливи документи.
Еден од изворите изјави дека претресот довел до откривање на дополнителни документи од интерес за истражителите кои работат на случајот.