Ракометната репрезентација на Македонија денеска ги доби противниците во групната фаза на претстојното Европско првенство кое во јануари идната година ќе се одржи во Унгарија и Словачка. Жрепката сакаше Македонија да биде во групата А заедно со селекциите на Словенија, Црна Гора и Данска, а натпреварите ќе се играат во Дебрецин.
Првиот натпревар, ракометарите ќе го играат на 13 јануари против Словенија, потоа на 15. Јануари следи дуел со Црна Гора и два дена подоцна е пресметката со актуелниот европски шампион Данска.
Селекторот и капитен на репрезентацијата, Кире Лазаров, вели дека ќе се фокусира на играта на македонската репрезентација, а не на противниците бидејќи смета оти се ќе зависи од нас самите.
– Противиците се тие што се, но нема многу да се оптоваруваме со нив. Одиме по потешкиот пат, но нема изговори. Ќе се подготвиме максимално и ќе играме на секој натпревар на победа. Зависиме од нас самите и од тоа колку ние ќе успееме да го подигнеме нашето ниво до јануари Прочитав некаде Николче Митревски, еден од нашите лидери изјавил дека ако играме како што умееме, не е важно кој ќе ни биде ривал.Уште од утре ги започнуваме подготовките за настапот на ЕП – вели Лазаров.