Лазаров со две измени во составот за денешниот натпревар против Португалија
Денеска најдобрата македонска ракометна репрезентација ќе го игра својот четврти натпревар од квалификациите за пласман на Европското првенство 2024 во Германија.
Нашите најдобри ракометари од 18.30 часот по вторпат ќе се соочат со Португалија која пред три дена славеше во Скопје со 23:29.
Судии на денешниот меч се Данците Јеспер Киркхолм Мадсен и Хенрик Мортенсен.
Македонскиот селектор Кирил Лазаров во однос на претходниот меч направи две измени во тимот.
Шанса добиваат Михаил Аларов и Михајло Младеновиќ, а надвор од составот се Цветан Кузмановски и Марко Мишевски.
Составот на Македонија: Митревски, Велковски, Ѓоргиев, Митев, Томовски, Н. Маркоски, Кузмановски, Костески, Младеновиќ, Јагуриновски, Џонов, Стојковиќ, Аларов, П. Атанасијевиќ, Серафимов, Петров.
На табелата по три одиграни кола во квалификациската група „1“ води Португалија со шест бодови, четири има Македонија, два Турција, а ниту еден Луксембург.