Најдобрите македонски ракометари на Светското првенство 2025 ќе играат во групата „Д“ заедно со Унгарија, Холандија и Гвинеја.

Нашата селекција своите мечеви од прелиминарната фаза ќе ги играат во Вараждин што е одлична можност овој хрватски град повторно биде исполнет со голем број македонски навивачи.

Така беше и на Мундијалот во 2009 година одржан во Хрватска каде го имавме вториот најдобар пласман на светските првенства освојувајќи го 11 место.

Тогаш како активен професионален ракометар за националниот тим настапуваше сегашниот селектор Кирил Лазаров кој посакува повторно Вараждин биде „среќен“ за Македонија.

– Од прв и втор шешир добивме доста квалитетни репрезентации. Секако дека можеше да добиеме уште поквалитетни противници, но треба да бидеме задоволни пред сè со фактот дека ќе играме во Хрватска/Вараждин и ќе имаме огромна поддршка од нашите верни навивачи. Сите имаме добри спомени од Вараждин и се надевам дека повторно ќе биде така. Имаме доста време да се подготвиме квалитетно за Светското првенство – рече Лазаров по жрепката за СП 2025.

Ракометарите ќе играат во Вараждин: Мундијалот го отвораме против фаворитот Унгарија