Лазаров: Отидов на се или ништо
Капитенот Кире Лазаров беше најдобар кога беше најпотрено, го постигна голот во последната секунда кој ни донесе триумф над Украина од 26:25. Сепак, и покрај победата, Лазаров имаше замерки кон помладите ракометари.
– Ми оди некако во последно време да давам голови во последните секунди. На последните четири напади младите бегаа од одговорност, а јас имав три шута во кои немав среќа, па некако се изнервирав и отидов на сè или ништо. Треба да научиме од овој меч и нема од што да се плашиме. Во спортот има победи и порази, а младите на таков начин треба да напредуваат. Ова е победа за Македонија, благодарам на сета поддршка и се надевам традицијата ќе продолжи, зашто вака Макеоднија е обединета и среќна, а некако и ги оттргнуваме луѓето од секојдневната политика – рече Лазаров.
И селекторот Данило Брестовац исто така имаше замерки кон помладите ракометари, но на крајот изјави дека е среќен од триумфот.
– Закочивме во комбинаторика, мораше на крај Киро да решава. Младите мора да повлечат во вакви моменти и да не бегаат од одговорност. Во одбраната станавме кршливи, беше тешко да се игра против нивните 7 на 6. Сепак, момците изгинаа секоја чест и морам да кажам Кире е голем – изјави Брестовац.
Крилото Дејан Манаскоц кој постигна шест голови, вели дека не смеат да ни си повторуваат вакви падови во играта.
– Најважно е што ги освоивме двата бода, имавме шанса порано да ја обезбедиме победата но избрзаните шутеви и технички грешки ни донесоа ваков крај. Нашите грешки ги вратија во игра, во иднина не смее ова да ние повторува – вели Манасков.