Лазаров: Не сум задоволен, Холандија е подобра, но не за десет гола
Репрезентацијата на Македонија претрпе уште еден убедлив на Светското првенство откако денес Холандија беше подобра со 24:34.
Селекторот Кирил Лазаров сепак и по овој пораз верува дека Македонија може да стигне до втората фаза, а за тоа потребна ни е победа против Аргентина.
„Денес Холандија заслужи да победи и мора да и се честита. Не сум задоволен од играта во двата натпревари, иако знаеме дека противниците се подобри од нас. Променивме цела генерација и стил на игра, но ќе направиме се што можеме да се мобилизираме и да ја победиме Аргентина. Мораме да разговараме за тоа каде грешиме, да одмориме и да се подготвиме за натпреварот. Дојдовме тука по една победа и се уште веруваме дека можеме да дојдеме до неа“.
„Холандија можеби е поквалитена репрезентација од нас, но не е за десет гола. Мораме да играме поколективно, а не како денес. Имаме многу млади ракометари кои се првпат на ваков турнир и тоа се чувствува“, изјави Лазаров.
Македониај последниот натпревар во првата фаза го игра во вторник против Аргентина исто така од 18:00 часот.