Maкедонската репрезентација вечерва го претрпе и третиот пораз на Светското првенство и тоа трет убедлив од Аргентина.

Селекторот Кирил Лазаров по натпреварот изјави дека со ваква репрезентација во овој момент, со осум дебитанти и не очекувал наша победа на некој од трите натпревари.

„Аргентина заслужено победи и треба да и се честита. Со осум дебитанти можеби ова е и нашата реалност. Мора да се работи да се создаде нова генерација која ќе ја наследи претходна. Не очекував да победиме против Норвешка, Холандија и Аргентина, верував во порази од по 3, 4, 5, 6 разлика, не вака со двоцифрена разлика. Секако дека не сум задоволен и мораме многу да работиме“, изјави Лазаров.

Македонските репрезентативци сега ги чека Президент Купот и борба за пласман од 24. до 32. место во Плок.