Лазаров: Главната битка е против Аргентина, мораме максимално квалитетно до победа
Во вторник со почеток од 18.00 часот репрезентацијата на Македонија ќе го игра својот трет натпревар на Светското првенство против Аргентина во групата „Ф“ од прелиминарната фаза.
И двете селекции имаат по два порази, па меѓусебниот дуел ќе решава која од нив ќе патува заедно со Норвешка и Холандија во главната фаза.
Ни реми нема да оди во корист на избраниците на селекторот Кирил Лазаров, па победата е само единствена опција да се влезе меѓу најдобрите 24 селекции на Мундијалот.
– Треба да ги прифатиме критиките, Холандија е поквалитетна од нас, но разликата од 10 голови не е реална. Направивме многу грешки во делот на одбраната и нападот. Имме нова генерација на играчи која треба да созрее за ваквите големи натпреварувања. Ова Светско првенство кое тешко го обезбедивме е добредојдено за помладите – вели Лазаров.
Доколку Македонија успее да обезбеди пласман во главната фаза, ќе се пресели во Катовице, во новоформираната група „3“ каде што се веќе Германија, Србија и Катар. Во спротивно ќе продолжи во „Президент купот“ во Плоцк за пласман од 25 до 32 позиција на СП.
– Главната битка ќе биде во вторник со Аргентинаа која има голем квалитет и игра еден цврст ракомет. Тука сме некаде со кваалитетот и доколку сакаме да триумфираме мораме да одиграме максимално квалитетно. Воедно мора да учиме од грешките – се зборовите на нашиот селектор.
РФМ: Поразите болат, со седум дебитанти тешко се носевме со Норвешка и Холандија