Шефот на руската дипломатија Сергеј Лавров денеска ја отфрли можноста од прекројувањето на границите на територијата на поранешна Југославија.

На заедничката конференција за новинари по разговорот со српскиот колега Никола Селаковиќ, Лавров рече дека идеите за „Голема Албанија“ како форми за решавање на косовскиот проблем како и изјавата на словенечкиот премиер Јанез Јанша дека распадот на Југославија се уште не е завршен, се „неприфатливи“, многу штетни и провокативни“.

Разговорите за „голема Албанија не се појавија денеска, ние секогаш со партнерите ЕУ и НАТО ги повикуваме таквите планови да се пресечат и да не се дозволи форсирање на таква реторика“, рече Лавров.

„Тоа е многу опасна игра. Постои резолуцијата 1244 која никој не ја укинал, и одговорните политичари, пред се шефовите на владите на европските држави, немаат право да изнесуваат идеи кои ја поткопуваат концепцијата која е изложена во резолуцијата 1244“, рече Лавров.

Тој потсети дека со таа резолуција се почитува суверенитетот на Србија, како и статусот на Косово треба да биде најден во преговорите меѓу Белград и Приштина. „Како што зборуваше претседателот Путин, ќе поддржиме било кое решение кои и одговара на Србија“, наведе Лавров.

Селаковиќ на прашањето дали Вашингтон врши притисок врз Србија да се приклучи кон санкциите за Русија рече дека „притисок секогаш постои“, но дека позицијата на Србија не се менува, зошто таа „никогаш нема да воведе санкции кон Русија“:

-Русија е нашиот стратешки партнер, наш пријател кој константно не поддржува, додаде Селакович, кој ја завршува дводневната посета на Русија.

Извор: Бета