Лавров допатува во дводневна посета на Пакистан

epa09118751 A handout photo made available by the press service of the Russian Foreign Affairs Ministry shows Russian Foreign Minister Sergei Lavrov (L) and Pakistan's Foreign Minister Shah Mahmood Qureshi (R) during their meeting in Islamabad, Pakistan, 06 April 2021. Russian Foreign Minister pays a working visit to Pakistan. EPA-EFE/RUSSIAN FOREIGN AFFAIRS MINISTRY / HANDOUT HANDOUT EDITORIAL USE ONLY/NO SALES

Рускиот министер за надворешни работи Сергеј Лавров денеска ја започна дводневната посета на Пакистан, при што, се претпоставува, фокусот ќе биде на мировните разговори во соседен Авганистан. Тоа е прва посета на руски министер за надворешни работи на Пакистан во последните девет години.

Пакистанскиот министер за надворешни работи Шах Махмуд Куреши во видео изјава рече дека посетата укажува на блиски односи меѓу двете земји.

За време на престојот во Пакистан, Лавров ќе се сретне со премиерот Имран Кан и со началникот на армијата на Пакистан, генерал Камар Џавед Бајва. Во делегацијата се наоѓаат 13 официјални лица, меѓу кои и специјалниот претставник на Москва за Авганистан, Замир Кабулов. Русија се обидува да се вклучи во мировните разговори.

Лавров пристигна во посета од Индија, а во пресрет на 1 мај, кога е крајниот рок за повлекување на американската армија од Авганистан, согласно договорот меѓу талибанците и Вашингтон.

САД бараат продолжување од три до шест месеци, но сакаат да ги забрзаат мировните разговори за да се стави крај на војната која трае речиси две децении.

Талибанците предупредија дека нема да има продолжување на рокот и се заканија со нови напади.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот