Летонските пратеници денеска усвоија изјава со која ја прогласија Русија за „држава спонзор на тероризмот” и нагласија дека нејзините акции во Украина претставуваат „насочен геноцид врз украинскиот народ”.

Во соопштението се вели дека Парламентот „ја признава Русија како држава спонзор на тероризмот и ги повикува другите земји истомисленици да го изразат истиот став”.

Украинскиот министер за надворешни работи Дмитро Кулеба на својот Твитер профил се заблагодари за ваквата одлука на Латвија.

Русија одамна го заслужи овој статус со своите постапки во Украина и пошироко. Украина ги охрабрува другите држави и организации да го следат примерот, напиша Кулеба.

Grateful to Latvian parliament Saeimas and all of its members for recognizing Russia as a state sponsor of terrorism. A timely move: Russia has long deserved this status with its actions in Ukraine and beyond. Ukraine encourages other states and organizations to follow suit. https://t.co/1lZNfYg7nP

— Dmytro Kuleba (@DmytroKuleba) August 11, 2022