Лапорта им објави војна на Сити и на ПСЖ: Зад нив стојат „фабрики за пари“

Претседателот на Барселона, Жоан Лапорта/ фото: PA-EFE/Alejandro Garcia

Претседателот на Барселона, Жоан Лапорта уште еднаш повтори дека не се откажува од проектот европска Суперлигата, а притоа им објави „војна“ на Манчестер сити и на ПСЖ, клубови кои се во сопственост на кралски арапски семејства.

Сити е во сопственост на емирот на Обединетите Арапски Емирати, додека ПСЖ е во рацете на кралското катарско семејство.

Според првиот првиот човек на Барселона, не треба да се дозволи европскиот фудбал и најголемите клубови да паднат во рацете на држави кои не се дел од Европската Унија.  Од минатата сезона и екипата на Њукасл е во рацете на арапски сопственици, нов државниот саудиски инвестициски фонд кој е под директна контрола на саудискиот престолонаследник Мохамед бин Салман.

– Не можеме да дозволиме европскиот фудбал да падне во рацете на држави кои не се дел од Европската Унија. Очигледно е дека зад Сити и ПСЖ стојат „фабрики за пари“ и ние ќе се бориме против тоа – изјави Лапорта за државната шпанска телевизија ТВЕ.

Тој потоа изјави дека не се откажува од проектот европска Суперлига.

– Ќе продолжиме да се бориме. Претседателот на Реал, Флорентино Перез и јас ќе продолжиме да го промовираме проектот европска Суперлига и само така можеме да го спасиме европскиот фудбал. Не сме само Барселона, Реал и Јувентус, мора да се истакне дека имаме поддршка и од останатите екипи што беа дел од Суперлигата  и сега молчат, но, не поддржуваат од сенка – додаде Лапорта.

Тој исто така смета дека екипите што би учествувале во Суперлигата нема да ги напуштат националните првенства, туку календарот на евентуалното ново натпреварување ќе биде направен така да не трпат домашните лиги.

Видео на денот