Лани за 50% се зголемени приходите од закуп на државно земјоделско земјиште- Слободен печат
ВестиЕкономија

Лани за 50% се зголемени приходите од закуп на државно земјоделско земјиште

Во 2016 година по овој основ во Буџетот се слеале 255 милиони денари, а лани скоро 448 милиони денари.

Приходите од закуп на државно земјоделско земјиште се зголемиле за скоро 50% во 2018 година во споредба со 2016 година.

Во 2016 година по овој основ во Буџетот се слеале 255 милиони денари, а лани скоро 448 милиони денари. Во последните две години се забележува интензивен пораст на приходите по основ на закуп на државно земјоделско земјиште.

Овој позитивен тренд покажува дека овие две години Министерството за земјоделство, шумарство и водостопанство редовно и навремено врши контрола и наплата на државното земјоделско земјиште што е дадено под закуп. Ова покажува дека државата води грижа и солидно менаџира со распределбата на државното земјоделско земјиште коешто МЗШВ со политиките во изминатите две години го враќа во рацете на вистинските земјоделци.

Финансиските средства прибавени по овој основ се пари кои повторно се враќаат кај земјоделците преку мерките од Програмите за финансиска поддршка на земјоделство и руралниот развој.

Во таа насока беше спроведена и ревизија на доделеното државно земјоделско земјиште во изминатите години. МЗШВ преку своите политики успеа да ослободи 10.000 хектари државно земјоделско земјиште кое сега повторно преку огласи и повици се враќа кај земјоделците.

Од 1-ви јули 2017 досега МЗШВ има објавено вкупно 9 огласи за доделување на земјоделско земјиште во државна сопственост (до 3 ха и над 3 ха) при што склучени се вкупно 700 договори за доделување државно земјоделско земјиште. Се става во функција секое неискористено парче земја, а со овие огласи досега се доделни 4.000 хектари државно земјоделско земјиште под закуп за до 3 и над 3 хекатри.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close