Ландо Норис го искористи киксот на Хамилтон и ја освои пол позицијата во Сочи
Возачот на Мекларен, Ландо Норис ќе стартува од пол позицината на утрешната трка за Големата награда на Русија која ќе се вози во Сочи.
Норис најбрзиот круг го извозе во време од 1:41.933 минути, што беше за 517 стотинки побрзо од второпласираниот Карлос Саинс од Ферари.
Третото најбрзо време во квалификациите го имаше возачот на Вилијамс, Џорџ Расел, додека актуелниот шампион Луис Хаммилтон по своја вина го освои четвртото место.
Имено, Хамилтон во последната квалификациска сесија кога имаше најбрзо време, тргна во боксот на замена на пневматиците и притоа удри во заштитната ограда со што го оштети болидот. Потоа немаше време да ги загрее пневматиците поради што не можеше да се бори за подобар пласман.
Од петтото до десеттото место се пласираа Даниел Рикиардо, Фернандо Алонсо, Валтери Ботас, Ленс Строл, Серхио Перес и Естебан Окон.
Лидерот во генералниот пласман, Макс Ферстапен на утрешната трка ќе тргне од последниот ред поради казната која ја доби за замената на погонската единица.