Лампард ќе добие „подарок“ од Реал Мадрид вреден 55 милиони евра!?
На Челзи неодамна му беше укината забраната за ангажман на нови фудбалери и лондонскиот клуб од овој преоден рок може да биде активен на трансфер пазарот.
Се најавува големо засилување за „сините“, прво поголемо од Мадрид. Според „Дејли Експрес“, менаџерот на Челзи, Френк Лампард за добрата досегашна работа ќе биде „награден“.
Челзи подготви понуда од 55 милиони евра за Иско кој често се поврзува со заминување од „кралскиот“ клуб, но никако да ги напушти редовите на Зидан.
O Chelsea vai oferecer 47 milhões de Libras para tirar o meia Isco do Real Madrid na próxima temporada. (Football London) pic.twitter.com/Fjxn3EikuN
— Loucos Por Futebol (@LoucosP07285107) January 18, 2020
Останува во наредниот период да се види дали овој трансфер ќе биде реализиран, шпанскиот фудбалер сезонава одигра 16 натпревари со еден постигнат гол и тоа во Суперкупот против Валенсија.
Не е тајна дека Лампард сака да донесе конкуренција во нападот каде што моментно се Абрахам, Батшуаји, а Жиру оваа зима многу често се поврзува со трансфер во милански Интер.
Да додадеме уште дека Рос Баркли би можел да го напушти Челзи, а според британските медиуми се очекува кариерата да ја продолжи во екипата на Вест Хем.
Баркли би бил позајмен со цел да добие редовна минутажа и евентуална шанса да се најде во составот на Англија за настап на Европското првенство 2020.
