Италијанскиот репрезентативец не сака да остане во Милан, не верува во проектот на „Сан Сиро“ и веќе одби да седне на маса да преговара за нов договор.

Актуелниот му истекува идното лето и неговиот агент, контроверзниот Мино Рајола, се погласно зборува дека Џиџи Донарума по завршување на договорот ќе го напушти Милан.

„Росоњерите“ од друга страна на лето ќе имаат последна шанса да заработат од неговата продажба иако сумата нема да биде очекуваната поради пандемијата со коронавирусот која им задава огромни финансиски проблеми на речиси сите екипи.

Милан за да се откаже од одличниот голман бара дури 60 милиоини евра, но нема екипа која би ја платила оваа сума кога на играчот договорот му истекува наредната година. Челси е подготвен да плати највеќе 40 милиони евра и планира понудата да биде земи или остави.

Ангажманот на Донарума ќе значи дека најскапиот светски голман Кепа ја завршува својата одисеја на „Стемфорд бриџ“. Честите киксеви на почетокот од сезоната го натераа Лампард да го седне Кепа на клупата за резервни играчи и да му дозволи да си оди ова лкето иако Челси за него плати рекордни 80 милиони евра.