Лампард е разочаран од голманот кој е платен 80 милиони евра
Навивачите на Челси се незадоволни од игрите на Кепа, а менаџерот Френк Лампард веќе размислува за друго решение
Екипата на Челси вчера не успеа да го победи Арсенал кој пак играше со играч помалку, два пати водеше но „топчиите“ успеваа да израмнат и да дојдат до голем бод (2:2).
Како главен виновник за киксот на Челси е означен голманот Кепа, кој на 24 настапи сезонава прими дури 32 гола во сите натпреварувања и само пет пати ја зачува сопствената мрежа.
Овие бројки се малку за најскапиот светски голман кој беше платен дури 80 милиони евра и се чини дека со последните киксеви, Шпанецот ја загуби довербата кај менаџерот Френк Лампард кој сериозно размислува на лето да купи нов голман.
Засега главен фаворит од идната сезона да го брани голот на Челси е голманот на Барнли, Ник Поуп.
Новопечениот англиски репрезентативец е проценет на 12 милиони евра но за очекување е Челси да плати најмалку 40-тина милиони евра доколку сака да дојде до неговите услуги, што е двојно помалку од сумата која е издвоена за ангажман на Кепа.