27.8 C
Скопје

Лајчак: Несомнено за Косово, успех во дијалогот значи да се стане земја кандидат за ЕУ

Мирослав Лајчак смета дека големиот чекор кон членството во Европската унија за Косово може да се реализира.

Претставникот за дијалогот вели дека со постигнување договор со Србија, Косово добива статус на земја кандидат за пристапување во ЕУ, пренесе косовската телевизија Клан.

„Несомнено за Косово, успех во дијалогот значи да се стане земја кандидат и сè што доаѓа со него. Косово забележа голем број конкретни резултати од почетокот на дијалогот. Ја споменувам регионалната соработка каде што се претставува Косово. Потоа собирање данок, слобода на движење, интеграција на полицијата и судството од северот. Постојат и други примери“, рече Лајчак за време на онлајн дебата во вторникот.

Косово е скоро единствената земја од шест во регионот на Западен Балкан што не добила статус на кандидат за членство во Унијата.

Републиката има големи назадувања во процесот на европска интеграција. Дури и визната либерализација што ја уживаат сите други земји, Брисел не може да ја понуди на Приштина.

Експертот за евроинтеграции Јехона Лушаку-Садриу вели дека без прифаќање на државата Косово од сите земји-членки на ЕУ, обезбедувањето статус на земја-кандидат ќе биде тешко.

Од 27 земји-членки на Унијата, пет од нив не ја признаваат независноста на Косово. Тоа се Шпанија, Грција, Кипар, Романија, Словачка.

Шпанската министерка за надворешни работи Аранча Гонзалес Лаја, рече дека нејзината земја не го признава Косово и дека тие ќе останат лојални на оваа позиција.

Поврзани вести

Саливан: САД сега имаат „јасни ориентири“ кон Русија

Слободен печат

Што содржи македонскиот предлог до Софија?

Курц: Северна Македонија сработи одлично на патот на евроинтеграциите

Слободен печат

Европската унија со економски санкции против Белорусија

Слободен печат

Вулин: Да им се забрани влез во Србија на оние кои гласаа за Резолуцијата за геноцид во Сребреница

Катерина Стевовска

Главен научник на СЗО: Разочарува резултатот на вакцината „КјурВак“

Слободен печат

Остави Коментар