Лајчак: Интеграцијата на Западен Балкан во ЕУ нема алтернатива, но Унијата не е задоволна од Балканот
Специјалниот пратеник на Европската унија Мирослав Лајчак денеска во Подгорица изјави дека интеграцијата на Западен Балкан во ЕУ нема алтернатива.
– Не треба да барате алтернатива, господине Ѓукановиќ. Процесот е многу побавен отколку што се надевавме и сакавме, рече Лајчак, обраќајќи му се на црногорскиот претседател на Балканскиот форум за интеграција во Подгорица, наведувајќи ги „објективните околности што влијаеле на тоа” – Брегзит. , мигрантската криза, но и скептицизмот кај одредени членки, пренесува Вијести.
– Не слушнав ниту еден функционер од земјите членки на ЕУ да каже дека има алтернатива. Единствена алтернатива е полноправното членство на овие земји во ЕУ” истакна Лајчак на Форумот во Подгорица.
Тој нагласи дека ЕУ мора да биде сигурна дека новите членки нема да донесат дополнителни проблеми. Вели дека ЕУ не е задоволна од она што се случува на Балканот.
– Мора да се зајакне функционалноста и да не внесуваат внатрешни проблеми. Она што се плашам е дека го губиме Западен Балкан, кој е посветен на нашите вредности. Наместо да создаваме владеење на правото, независни медиуми, граѓанско општество, деполитизирано судство, ние се движиме во насока на зајакнување на нелибералните, авторитарни тенденции. Ваквиот Балкан ќе биде „инструмент за поткусурување” за стратешките интереси на другите играчи. Затоа треба да го забрзаме процесот на проширување. Треба реално да ги согледаме работите и колку силни позитивни сигнали испраќа регионот кон ЕУ, нагласи Лајчак.
– Треба да го забрзаме процесот, но не само да ја критикуваме ЕУ, туку реално да видиме колку позитивни сигнали испраќа регионо”, рече Лајчак.
Тој оцени и дека земјите од Западен Балкан треба да го вратат кредибилитетот на процесот.
– ЕУ не е задоволна и сега треба едни на други да си помогнеме, рече Лајчак.
Тој додаде дека сите земји во регионот имаат доволно работа во процесот на интеграција и дека ЕУ тоа време ќе го искористи за да ги реши своите проблеми. Лајчак, исто така, заклучи дека ЕУ има доволно капацитет да ги води двата процеси во исто време.
Извор: МИА
