Љафтов: Се надевам дека нема да ни биде последно ЕП

Фото: cev.eu

Нашите најдобри одбојкари предводени од селекторот Никола Матијашевиќ заслужија да бидат дел од осминафиналето, но другите селекции од групата не ни направија „услуга“.

Сепак, не разочараа „црвено-жолтите“, можеа многу лесно да остварат и три победи во арената „Стожице“, а секако нема да се заборави фактот што беше остварена победа против Словенија (3:1), финалистот на ЕП.

Вечерва во Париз Словенците играа за европската титула и загубија од репрезентацијата на Србија.

Заедно со Никола Ѓоргиев, беше еден од позабележителните играчи во текот на натпреварите, Александар Љафтов им се заблагодари на сите што ја даваа поддршката во текот на ЕП.

– Денеска заврши Европското првенство. Ја имавме шансата да учествуваме за првпат за што сме многу горди. Србија триумфираше во финалето, но ги освоивме срцата на нашите навивачи. Се надевам дека ова нема да биде последно Европско првенство. Благодарност до сите што ни ја даваа поддршката – се зборовите на Љафтов.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот