„Ла Лига“: Само бод за Барса на Камп Ноу! (ВИДЕО)
Во последниот натпревар од неделната програма од петтото коло во најсилното шпанско првенство вечерва ремизираа екипите на Барселона и Севиља со резултат 1:1.
Составот Лопетеги поведе со 0:1 на стадионот „Камп Ноу“ во осмата минута откако де Јонг стрелаше од непосредна близина во мрежата на Нето.
Радоста на гостите траеше само 120 секунди, Меси се обиде да го пронајде Алба, опасноста ја отстрани еден од дефанзивците, но само за кратко, бидејќи топката дојде до бразилскиот интернационалец Кутињо кој се погрижи за израмнување.
Во првите две кола и двете екипи имаа по две победи, ова им беше само нивни трет натпревар во новата сезона и моментно се на делба на петтата позиција со по седум бодови.
Лидер е Реал Мадрид со 10 бодови, напомена дека „кралевите“ имаат еден меч помалку, следуваат Бетис со девет, по осум Реал Сосиедад и Виљареал по осум, сите овие три тима имаат по пет натпревари.
Резултати од другите мечеви: Осасуна-Селта Виго 2:0, Алавес-Атлетик Билбао 1:0, Леванте-Реал Мадрид 0:2, Кадиз-Гранада 1:1.
Барди го одигра целиот меч, бодовите за Реал Мадрид! (ВИДЕО)