Денеска во рамките од 36 коло во најсилното шпанско првенство екипата на Леванте на домашен терен загуби од Атлетик Билбао со резултат 1:2.

Гостите поведоа уште од четвртата минута со погодокот на Гарсија, а истиот играч непосредно пред паузата предноста ја зголеми предноста.

Енис Барди кој одигра 73 минути за домаќините, го реализираше единствениот гол за Леванте во 71 минута после асистенцијата на Мајорал.

За македонскиот репрезентативец ова е вкупно петти гол во „Ла Лига“, претходно стрелаше по еднаш против Бетис, Еспањол, Гранада и Реал Сосиедад.

Леванте го обезбеди опстанокот, но ова е веќе четврти меч по ред во шампионатот без триумф, што е загрижувачки податок за тренерот Лопез. Во последните две кола составот од Валенсија ќе ги одмери силите против Селта Виго (16 јули, гости) и Хетафе (19 јули, дома).