„Ла Лига“: Барди со Меси и Бензема во тимот на месецот! (ФОТО)
Македонскиот репрезентативец Енис Барди во минатиот месец имаше многу добри игри во дресот на Леванте во најсилното шпанско првенство.
На 20 јуни во рамките од 30 коло придонесе со погодок во гостинската победа над Еспањол (1:3).
А на 28 јуни во 32 коло еднаш се запиша во листата на стрелците во домашниот триумф против Бетис (4:2).
Ваквата статистика го смести нашиот играчи во тимот на месецот (во изборот на whoscored.com) со оценка 7,39, во друштво на големи имиња како Меси, Бензема, Рамос, Алба…
Од враќањето на терените после паузата поради пандемијата на Ковид-19, Леванте од шест мечеви има само еден пораз и успешно ја води борбата за опстанок, односно моментно е на 12 позиција.
Во продолжение погледнете кои 11 играчи заслужено се наоѓаат во тимот на месецот во „Ла Лига“:
Голман: Д. Лопез, Еспањол (7,17)
Одбрана: К. Вазкез, Селта Виго (7,07), С. Рамос, Реал Мадрид (7,49), К. Ленгле, Барселона (7,28), Ж. Алба, Барселона (7,30)
Среден ред: М. Ел Хадади, Севиља (7,39), Рафиња, Селта Виго (7,59), С. Њигез, Атлетико Мадрид (7,62), Е. Барди, Леванте (7,39)
Напад: Л. Меси, Барселона (9,01), К. Бензема, Реал Мадрид (7,94)