Баерн Минхен релативно лесно со 3:0 го совлада Шалке во второто коло од Бундес лигата. Баварците до победата пред 60.000 гледачи на „Велтинс Арена“ во Гелзенкирхен ја донесе Роберт Левандовски кој ги постигна сите три гола, а деби во дресот на Баерн имаше и Фелипе Кутињо. Бразилецот е воодушевен од својот соиграч.

– Роберт е неверојатен. Тука сум неколку дена, го гледав на тренинзите, и изгледа подобро на теренот отколку пред ТВ екраните – вели Кутињо.

Бразилецот влезе во игра во 57. минута на местото на Томас Милер и е задоволен од прикажаната игра во деби настапот за Баерн.

– Презадоволен сум од моето деби. Успеавме да победиме. Првите впечатоци се многу добри,  Баерн е огромен клуб. Играта беше многу интензивна. Овде сум само три, четири дена и дефинитивно треба да се подобрам – рече Кутињо.