Кутињо следната сезона ќе игра во Бундес лигата
Германскиот шампион Баерн Минхен денеска може да добие две големи засилувања со кои повторно ќе стане еден од главните фаворити за титулата во Лигата на шампионите.
Потписот за едногодишна позајмица со Перишиќ е завршена работа откако Хрватот ги помина лекарските прегледи, а неколку часови подоцна шпанскиот новинар Бруно Андраде, објави сензација. Според Андраде, Фелипе Кутињо во наредната сезона ќе го носи дресот на Баерн Минхен.
Новинарот објави дека претставниците на двете екипи се договориле за едногодишна позајмица, а Баерн нема да плати никакво обесштетување, туку ќе ја преземе платата на Кутињо која изнесува 11 милиони евра. Баварците исто така ќе можат на крајот од сезоната да го откупат договорот на Кутињо со Барселона.
Единствен проблем за реализација на позајмицата претставува желбата на ПСЖ во евентуалниот трансфер на Нејмар во Барселона да биде вклучен токму и Кутињо.