Кутињо се прероди во Баерн
Фелипе Кутињо во летниот преоден рок одлучи да ја напушти Барселона и да замине на едногодишна позајмица во редовите на Баерн Минхен кои ќе имаат можност идната година да го откупат неговиот договор.
Бразилецот веќе дебитираше за новиот клуб и на дебито покажа дека сè уште не е во вистинската форма која му донесе трансфер од Ливерпул во Барселона. Меѓутоа, забележливо е деја повторно се врати насмевката на неговото лице, што не беше случај во минатата сезона додека го носеше дресот на Барселона. Неговите соиграчи се воодушевени од неговите фудбалски квалитети и се убедени дека тој ќе биде огромно засилување за тимот во борбата за трофеите.
– Тој е мал волшебник со топката. Навистина е добар човек и тоа веднаш се приметува. Исто така е одличен фудбалер и тоа што го прави на тренинзите е неверојатно. Се уште не е 100 проценти подготовен но сите знаеме дека Фелипе ќе биде големо засилување за нас. Тој по доаѓањето во Баерн се прероди – вели Бенјамин Павар.