Баерн ќе ја има опцијата за откуп на договорот на Кутињо по истекот на сезоната, но за неговите услуги ќе има уште заинтересирани. Наводно за Кутињо заинтересиран е и Тотенхем, кој од клупата го води аргентинскиот стручњак Маурицио Покетино.

Како што пишува „Сан“, Тотенхем веќе во минатото покажа интерес за Кутињо, а сега Бразилецот повторно се наоѓа на „радарот“ на лондонскиот клуб.

Инаку, Полетино многу добро го познава Кутињо со оглед дека со него соработуваше во Еспањол. Бразилецот во Еспањол помина една сезона како позајмен играч од Интер.

Иако Тотенхем сакаше уште минатото лето да го ангажира, но Баерн беше побрз и не успеа намерата на премиерлигашот. Кутињо во таа сезона со Еспањол, под раководство на Покетино, одигра вкупно 16 натпревари и пет голови.

Најдобрите партии ги имаше во Англија, во дресот на Ливерпул (152 мечеви, 41 погодок) пред да се пресели во Барса. Со клубот од „Енфилд“ беше финалист во Лига купот на Англија и Лига Европа во сезоната 2015/16.