Куртоа јавно критикува: УЕФА мисли само на парите, не се грижат за фудбалерите

Белгискиот голман Тибо Куртоа јавно ги критикува првите луѓе на УЕФА и ФИФА/Фото: EPA-EFE/Dmitry Lovetsky

Белгија го освои четвртото место во второто издание од УЕФА Лигата на нации после поразите од Франција и Италија.

Како што е познато, европската куќа на фудбалот го промени системот на пријателски натпревари со ново натпреварување, што значи сè повеќе поважни натпревари, но тоа не му се допаѓа на белгискиот голман Тибо Куртоа.

Фудбалерот на Реал Мадрид по натпреварот со Италијанците за третото место испрати доста критики и ги обвини челниците на УЕФА дека се грижат само за парите.

– Мора да бидеме искрени, ова се игра поради пари. Играме премногу натпревари, играчите можат да се повредат, но никој не се грижи за тоа. Имаме само три недели одмор доколку играме на високо ниво. Тие (УЕФА) не се грижат за играчите, важен им е само нивниот џеб. Сега сакаат да играме светски првенства на секои две години, а сè поголем број врвни играчи се повредуваат. Ние не сме роботи – рече Куртоа.

Ретко кој од играчите на највисоко ниво се изјаснил поради овој голем проблем, јасно е дека парите се главниот мотив, но здравјето нема цена.

Видео на денот