Курти за Макрон: Европа е многу важна, не може да ја води еден човек – Слободен печат
ВестиРегион

Курти за Макрон: Европа е многу важна, не може да ја води еден човек

Тој изјави дека ЕУ и Балканот се важни едни за други и Париз со Берлин треба добро да го знаат тоа.

“Европската Унија е формирана како одговор на фашизмот, но сега таа е исплашена од лицето на популизмот и фашизмот“, вели Албин Курти, победникот на последните предвремени парламентарни избори во Косово во интервју за британскиот „The Guardian“, во врска со одлуката на ЕУ да не ги отвори преговорите со Албанија и Северна Македонија.

Курти истакна дека оваа одлука ги намалува шансите за постигнување договор меѓу Косово и Србија.

Критикувајќи го претседателот на Франција, Емануел Макрон, Курти рече: „Не можете да кажете дека прво се потребни внатрешни реформи во ЕУ, а потоа процесот на проширувањето – тие одат паралелно. Европа е толку битен историски проект што ниту една личност не може да биде нејзин автор или водач. Видовме кога Жан-Клод Јункер рече дека нема да има проширување во наредните пет години, ситуацијата на Балканот се влоши.

Тој исто така изјави дека ЕУ и Балканот се важни едни за други, а Париз и Берлин треба добро да го знаат тоа.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close