Курти утре во Албанија во прва официјална посета како премиер надвор од земјата
Косовскиот премиер Албин Курти утре ќе отпатува за Албанија, во неговата прва официјална посета надвор од земјата откако пред една недела, на 3 февруари, беше избран на чело на новата Влада на Косово, јави дописникот на МИА од Приштина.
Според агендата што денеска ја објави неговиот кабинет, за време на утрешниот полудневен престој во Тирана, Курти ќе се сретне со албанскиот премиер Еди Рама, претседателот на државата Илир Мета, собранискиот спикер Грамоз Ручи, тиранскиот градоначалник Ерион Велиај и лидерот на најголемата опозициска партија, Демократската партија на Албанија, Љуљзим Баша.
Новата претседателка на Собранието на Косово Вјоса Османи деновиве исто така најави дека Албанија ќе биде првата земја која официјално ќе ја посети.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот