Курти: Српската држава нема што да бара во Косово

Иако никогаш не го поседувала суштински, Србија дефинитвно го загуби Косово во времето на режимот на Слободан Милошевиќ – изјави Курти.

Новиот претседател на Владата на Косово Албин Курти вели дека не може да има договор со Србија доколку ставот на претседателот на таа држава Александар Вучиќ е „и ние треба да добиеме нешто“, јави дописникот на МИА од Приштина.

Во синоќешното интервју за државната телевизија РТК, Курти порача дека таквите ставови на српскиот претседател „не можат да бидат појдовна точка за решавање на проблемите“ меѓу двете држави.

– Ние не сме тука за да компензираме апетити, туку да лечиме рани. Со еден таков однос не гледам дека можеме да постигнеме спогодба, туку заедно со западните држави можеме да создадеме контекст во кој може да се најде решение – рече Курти.

Новиот косовски премиер порача дека српската држава „нема што да бара во Косово“.

– Иако никогаш не го поседувала суштински, Србија дефинитвно го изгуби Косово во времето на режимот на Слободан Милошевиќ – изјави Курти.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот